لکھنو،31؍دسمبر(آئی این ایس انڈیا)اترپردیش کے مہوبہ کے علاقے کے پولیس اسٹیشن میں کانگریسی لیڈروں کے خلاف پولیس انتظامیہ کی طرف سے ایف آئی آڑدرج کی گئی ہے۔

کانگریسی لیڈروں نے گزشتہ دنوں گائے کے تحفظ کے لیے مظاہرہے کیے تھے۔ پولیس نے 400 کانگریسیوں کے خلاف سنگین دفعات میں مقدمات درج کرکے بڑی کارروائی کی ہے۔300 سے زیادہ نا معلوم کانگریسی افراد کے خلاف مقدمات درج کرنے کے بعد ہلچل مچ گئی۔

معلومات کے مطابق مہوبہ شہرمیں کانگریس کے ریاستی صدر کی سربراہی میں کسان بچاؤ، گائے بچاؤمارچ شروع ہوا۔ سختی کی وجہ سے، سابق مرکزی وزیر پردیپ آدتیہ جین اور چودھری ساگر سنگھ کی سربراہی میں سیکڑوں کانگریسیوں نے اجے کمار للوکی غیر موجودگی کے بعد مل کر مارچ کا آغاز کیا۔ پیدل مارچ کے دوران 400 کے لگ بھگ کانگریسی لیڈران کی پولیس انتظامیہ کے ساتھ جھڑپ ہوگئی۔

اس معاملے کو سنجیدگی سے لیتے ہوئے پولیس نے300 نامعلوم کانگریسی کارکنوں کے خلاف اور90نامزدکانگریسی قائدین کے خلاف دفعہ 147،148،188،269،270،332،353 کے تحت اور وباایکٹ کیتین مقدمات کے تحت بڑی کارروائی کی ہے۔